«Aston Villa» va «Sanderlend» Elmasga qiziqish bildirmoqda
“Napoli” yarim himoyachisi Elif Elmas jamoadan ketishi kutilmoqda.
Neapolliklar uni “Leyptsig”dan 17 million yevroga sotib olish imkoniyatidan foydalanmaslikka qaror qilgan. Bu haqda Football Italia nashri xabar bermoqda.
Joriy mavsumda 26 yoshli yarim himoyachi barcha musobaqalarda 43 ta o‘yin o‘tkazib, jamoa bosh murabbiyi Antonio Konte tomonidan yuqori baholandi. Murabbiy futbolchining universalligi va maydondagi aql-idrokini alohida ta’kidlab o‘tgan.
Hozirda Elmasga asosiy da’vogar sifatida “Aston Villa” ko‘rilmoqda. Birmingem klubi kelasi mavsum Chempionlar ligasida ishtirok etishni ta’minlagan. Shuningdek, “Sanderlend” ham futbolchiga qiziqish bildirgan, ammo Elmas bu klub taklifini ko‘rib chiqqanicha yo‘q.
Transfermarkt ma’lumotiga ko‘ra, futbolchining bozor qiymati 14 million yevro atrofida baholanmoqda.
