«Aston Villa» Thiagoni sotib olishga tayyor
Bitim qiymati 57 million yevroga yetishi mumkin.
ФОТО: Getty images
"Brentford" hujumchisi Igor Thiago faoliyatini Angliya Premer-ligasining boshqa klubida davom ettirishi mumkin. Bu haqda Mirror Football nashri xabar bermoqda.
Manbaga ko‘ra, 24 yoshli hujumchini "Aston Villa" o‘z safiga qo‘shib olishni ko‘rib chiqmoqda.
Birmingem klubi joriy mavsumda barcha musobaqalarda 14 ta uchrashuvda 12 ta gol urgan braziliyalik futbolchini sotib olishga tayyor.
Bitim qiymati 57 million yevroga yetishi mumkin.
Thiagoning "Brentford" bilan amaldagi mehnat shartnomasi 2029 yilning yarmigacha mo‘ljallangan. Nufuzli Transfermarkt internet portali mutaxassislari hujumchining narxini 22 million yevroga baholamoqda.
Roziqjon Sultonmurodov
Jurnalist