«Aston Villa» Morgan Rogers uchun transfer narxi belgiladi.
Birmingem klubi futbolchini taxminan 151,8 million yevrodan kamiga qo‘yib yubormoqchi emas.
ФОТО: Getty images
Londonning «Arsenal» klubi «Aston Villa» yarim himoyachisi Morgan Rogersni transfer qilishda jiddiy moliyaviy to‘siqqa duch kelishi mumkin. Bu haqda Football Insider xabar berdi.
Manbaga ko‘ra, Birmingem klubi 23 yoshli angliyalik futbolchini taxminan 151,8 million yevrodan kamiga qo‘yib yubormoqchi emas.
Qayd etilishicha, Rogersning «Aston Villa» bilan shartnomasi yana besh yil amal qiladi. Shu sababli klub rahbariyati transfer narxini pasaytirishga ehtiyoj sezmayapti.
Xabarda ta’kidlanishicha, Morgan Rogers «Arsenal» bosh murabbiyi Mikel Artetaning asosiy transfer maqsadlaridan biri hisoblanadi.
Angliya Premer-ligasining o‘tgan mavsumida Rogers 37 ta uchrashuvda maydonga tushib, 10 ta gol urdi va 7 ta golli uzatma amalga oshirdi.
Roziqjon Sultonmurodov
Jurnalist
