«Aston Villa» Koneni sotib olmoqchi
Uning bozor qiymati 50 million yevroga baholanmoqda.
ФОТО: Getty images
"Aston Villa" "Roma" yarim himoyachisi Manu Konega qiziqish bildirmoqda.
Ayni paytda u Italiya A Seriyasining eng qimmat 10 futbolchisidan biri hisoblanadi. Uning bozor qiymati 50 million yevroga baholanmoqda.
DajeRoma TV xabariga ko‘ra, Angliya klubi bosh murabbiyi Unai Emeri fransiyalik yarim himoyachining mahoratini yuqori baholaydi. U "Roma"ning eng qimmatbaho o‘yinchilaridan biri sanaladi, biroq Italiya klubi bosh murabbiyi Jan Pyero Gasperini u bilan xayrlashishga tayyor.
Kone 2025/2026 yilgi mavsumda A Seriyada 29 ta o‘yinda maydonga tushib, 2 ta gol urdi va 3 ta golli uzatmani amalga oshirdi. Ayni damda u 2026 yilgi Jahon chempionatida ishtirok etish uchun Fransiya terma jamoasi ixtiyorida.