«Aston Villa» Duglas Luisni tarkibda olib qolmaslikka qaror qildi
Angliyaning «Aston Villa» klubi shu yilning yanvar oyida Turinning «Yuventus» jamoasidan ijaraga olgan yarim himoyachisi Duglas Luisning transfer huquqini sotib olmaydi. Bu haqda taniqli insayder Fabrisio Romano maʼlum qildi.
Birmingemliklar braziliyalik futbolchini 25 million yevro evaziga toʻliq sotib olish huquqiga ega edilar, biroq klub rahbariyati bu imkoniyatdan foydalanmaslikni lozim topdi. Endilikda xavbek Turinga qaytadi.
Ortda qolgan mavsumda Duglas Luis barcha turnirlar doirasida 34 ta oʻyinda maydonga tushib, 1 ta gol va 2 ta samarali uzatmaga mualliflik qildi. Yakunlangan 2025/2026 yilgi mavsumda «Yuventus» Italiya A Seriyasida 6-oʻrinni band etgan boʻlsa, «Aston Villa» Angliya Premyer-ligasini 4-pogʻonada yakunladi va UEFA Yevropa ligasi gʻolibiga aylandi.
Maʼlumot uchun, Luis faoliyati davomida «Nottingem Forest» va «Jirona» kabi jamoalarda ham toʻp surgan.
