«Arsenal»ning 11 nafar futbolchisi xalqaro tanaffusdan soʻng jarohat oldi
Ayni damda londonliklar APL turnir jadvalida peshqadamlik qilmoqda.
FOTO: Getty Images
«Arsenal» klubining 11 nafar futbolchisi terma jamoalar yig‘inidan so‘ng jarohatlanganlar ro‘yxatiga kirdi. Bu haqda Sport.es nashri xabar bermoqda.
Nashr ma’lumotlariga ko‘ra, Ispaniya terma jamoasi yarimhimoyachisi Martin Zubimendi milliy jamoa ixtiyorida jarohat olgan. Shuningdek, Bukayo Saka, Deklan Rays va Noni Madueke ham klubga turli jarohatlar bilan qaytishgan. Ulardan tashqari, quyidagi futbolchilarning salomatligida ham muammolar borligi aytilmoqda:
- Uilyam Saliba
- Gabriel Magalyaesh
- Leandro Trossard
- Eberechi Eze
- Martin Edegor
- Yurriyen Timber
- Pyero Inkapye
Ayni damda «Arsenal» 70 ochko bilan Angliya Premyer-ligasi turnir jadvalida peshqadamlik qilmoqda. «To‘pchilar», shuningdek, Angliya Kubogi va Chempionlar Ligasi g‘olibligi uchun ham kurashni davom ettirmoqdalar.
Nasrullo Karimov
Jurnalist