“Arsenal” Vinisius uchun 150 million yevro to‘lashga tayyor
Londonning “Arsenal” klubi “Real Madrid” hujumchisi Vinisius Juniorni o‘z safiga qo‘shib olish imkoniyatini ko‘rib chiqmoqda.
El Desmarque nashri ma’lumotiga ko‘ra, “kanonirlar” braziliyalik futbolchi transferi uchun taklifni 150 million yevrogacha oshirishga tayyor. Shuningdek, “Arsenal” Vinisiusga mavsumiga 30 million yevro miqdorida maosh taklif qilishi mumkin.
Xabarda qayd etilishicha, haqiqiy muzokaralar faqat Vinisiusning o‘zi transferga rozilik bildirgan taqdirdagina boshlanadi. Braziliyalik hujumchi “Real Madrid” bilan yangi shartnoma bo‘yicha muzokaralarda ham aynan shunday maosh talab qilayotgani aytilmoqda.
Hozircha “Arsenal” yoki “Real Madrid” tomonidan rasmiy taklif va muzokaralar haqida ma’lumot berilmagan. Shu sababli mazkur xabar transfer mish-mishi sifatida baholanmoqda.
