«Arsenal» Torrianini sotib olmoqchi

"Milan" darvozaboni Lorenzo Torriani Italiyadan Angliya Premer-ligasiga ko'chib o'tishi mumkin. Bu haqda La Gazzetta dello Sport nashri xabar berdi.

Manbaga ko'ra, Londondagi "Arsenal" klubi italiyalik posbonga qiziqish bildirmoqda.

"To'pchilar" Torrianining Milan klubidagi faoliyatini diqqat bilan kuzatib bormoqda. Uning bozor qiymati 500 000 yevroni tashkil qiladi. Darvozabonning "rossonerilar" bilan amaldagi shartnomasi 2030 yil iyun oyi oxirida yakunlanadi.

Bu mavsumda darvozabon "Milan"ning D Seriyadagi ikkinchi jamoasida o'ynadi. Yosh posbon o'nta o'yinda maydonga tushib, 12 ta gol o'tkazib yubordi.

Roziqjon Sultonmurodov

Jurnalist