«Arsenal» Timber bilan shartnomani uzaytirishga yaqin
Tomonlar muzokaralarga kirishgan.
ФОТО: Getty images
Angliyaning "Arsenal" klubi himoyachi Jurrien Timber bilan shartnomani uzaytirish borasida muzokaralarni davom ettirmoqda. Bu haqda jurnalist Nicolo Schira ijtimoiy tarmoqda xabar berdi.
"Timberning "Arsenal" bilan shartnomasini uzaytirish bo‘yicha muzokaralar yaxshi ketmoqda. Arteta gollandiyalik o‘ng qanot himoyachisini asosiy o‘yinchi deb hisoblaydi. Shartnomani uzaytirish deyarli yakunlangan. Faqat muddat (2030 yoki 2031 yil) borasida yakuniy tafsilotlar kutilmoqda", - deb yozgan Schira.
Joriy mavsumda 24 yoshli Jurrien Timber Angliya Premer-ligasida 21 ta o‘yin o‘tkazib, 2 ta gol urdi va 3 ta golli uzatmani amalga oshirdi. Shuningdek, u Chempionlar ligasida oltita o‘yin o‘tkazib, bitta gol va bitta golli uzatmani amalga oshirgan.
Roziqjon Sultonmurodov
Jurnalist