«Arsenal» Saka bilan shartnomani uzaytirmoqchi
Sakaning londonliklar bilan tuzgan amaldagi shartnomasi 2027 yilning yozigacha mo'ljallangan.
ФОТО: Getty images
“Arsenal” klubi rahbariyati Bukayo Saka bilan shartnomani uzaytirishni rejalashtirmoqda. Bu haqda jurnalist Ben Jeykobs xabar berdi.
Avvalroq londonliklar himoyachi Uilyam Saliba bilan yangi besh yillik shartnoma borasida kelishuvga erishgandi. Endi esa klub Saka jamoada qolishini va uning kelajagini "to‘pchilar" bilan bog‘lashni maqsad qilgan.
Eslatib o‘tamiz, 24 yoshli vinger 2019 yildan buyon “Arsenal” safida to‘p surmoqda. U joriy mavsum barcha turnirlarda 4 ta o‘yinda maydonga tushib, bitta gol muallifi bo‘ldi.
Sakaning londonliklar bilan tuzgan amaldagi shartnomasi 2027 yilning yozigacha mo‘ljallangan. Uning Transfermarkt'dagi narxi 150 million yevroga baholanmoqda.
Roziqjon Sultonmurodov
Jurnalist