«Arsenal» Saka bilan shartnomani uzaytirishga yaqin turibdi
Tomonlar oʻrtasida tuzilgan amaldagi kelishuv 2027 yilning yozida yakuniga yetadi.
FOTO: Getty Images
«Arsenal» vingeri Bukayo Saka londonliklar bilan shartnomasini uzaytirishga yaqin turibdi. Bu haqda insayder Nikolo Skira xabar bermoqda.
Manbaga koʻra, tomonlar oʻrtasida muzokaralar yakuniy bosqichga kirgan.
Qayd etilishicha, yangi kelishuv futbolchining maoshini sezilarli darajada oshirishni nazarda tutadi, biroq moliyaviy tafsilotlar hozircha oshkor etilmagan.
Maʼlumot uchun, Saka joriy mavsum barcha turnirlarda 14 ta oʻyinda maydonga tushib, 6 ta golga mualliflik qildi. Uning Transfermarkt'dagi narxi 140 million yevroga baholanmoqda.
Nasrullo Karimov
Jurnalist
