«Arsenal» rahbariyati Artetaga ultimatum qoʻydi
Londonning «Arsenal» klubi rahbariyati bosh murabbiy Mikel Artetaning bu mavsumda oqlanishi uchun boshqa bahonasi qolmadi deb hisoblamoqda. Transfer bozoridagi to‘liq qo‘llab-quvvatlashdan so‘ng, jamoa oldiga aniq va minimal vazifa qo‘yilgan: Premyer-liga chempionligini qo‘lga kiritish. Bu haqda The Touchline sahifasi xabar bermoqda.
Ayni paytda «Arsenal» APLning 26 turidan so‘ng 57 ochko bilan turnir jadvalida peshqadamlik qilmoqda. Ikkinchi o‘rindagi «Manchester Siti» bilan farq to‘rt ochkoni tashkil etadi.
Shuningdek, «kanonirlar» UEFA Chempionlar Ligasining guruh bosqichini sakkizta o‘yinda sakkizta g‘alaba bilan birinchi o‘rinda yakunladi. Jamoa Angliya Kubogida ham o‘z yurishini davom ettirmoqda — 15 fevral kuni klub 1/16 final bosqichida «Uigan Atletik»ka qarshi maydonga tushadi.
