«Arsenal» klub rekordini yangiladi
Ilgari eng yuqori ko‘rsatkich 1970/1971 mavsumida qayd etilgan.
ФОТО: Getty images
Londonning “Arsenal” klubi bir mavsumda erishgan g‘alabalar soni bo‘yicha yangi rekord o‘rnatdi.
Angliya Premer-ligasi 36-turidan o‘rin olgan uchrashuvda “Arsenal” “Vest Hem”ni 1:0 hisobida mag‘lub etdi va 2025/2026 mavsumida barcha turnirlarda 42-chi g‘alabasini qo‘lga kiritdi.
Bu klub tarixida eng yaxshi natija hisoblanadi. Ilgari eng yuqori ko‘rsatkich 1970/1971 mavsumida qayd etilgan bo‘lib, o‘sha paytda “Arsenal” yilni 41 g‘alaba bilan yakunlagan edi.
Joriy mavsumda “Arsenal” 79 ochko bilan Premer-liga turnir jadvalida birinchi o‘rinda bormoqda. Yaqin raqib “Manchester Siti” esa 74 ochko bilan ikkinchi pog‘onada va bir o‘yinni o‘tkazmagan holda turibdi.
Roziqjon Sultonmurodov
Jurnalist