«Arsenal» ketma-ket sakkizta oʻyindan beri «Tottenhem»ga yutqazmayapti
«Kanonirlar» hozirda APL turnir jadvalida peshqadamlik qilmoqda.
FOTO: Getty Images
Angliya Premyer-ligasining 27-turi doirasida o‘tgan Shimoliy London derbisida «Arsenal» «Tottenhem»ni 4:1 hisobida tor-mor etdi. Ushbu natija orqali Mikel Arteta shogirdlari o‘zining prinsipial raqibiga qarshi mag‘lubiyatsiz seriyasini 8 ta o‘yinga yetkazib oldi.
«Kanonirlar» so‘nggi yillarda ushbu qarama-qarshilikda mutlaq ustunlik qilmoqda:
- 2022/23 mavsum: Ikki g‘alaba (3:1, 2:0);
- 2023/24 mavsum: Durang (2:2) va g‘alaba (3:2);
- 2024/25 mavsum: Ikki g‘alaba (1:0, 2:1);
- Joriy mavsum: Ikki g‘alaba (har ikkala o‘yinda 4:1).
Ushbu g‘alabadan so‘ng «Arsenal» 61 ochko bilan APL turnir jadvalida peshqadamlikni davom ettirmoqda. Aksincha, «Tottenhem» uchun ahvol og‘irlashib bormoqda — «shporlar» 29 ochko bilan 16-pog‘onaga tushib ketishgan.
Nasrullo Karimov
Jurnalist