«Arsenal» joriy mavsum YChLda ketma-ket beshinchi marta gʻalaba qozondi
Londonliklar 5-turda «Bavariya»ni ishonchli hisobda magʻlub etdi.
FOTO: Getty Images
«Arsenal» joriy mavsum Chempionlar ligasida ketma-ket beshinchi g‘alabasini qo‘lga kiritdi. Turnir umumiy bosqichining 5-turida londonliklar «Bavariya»ni 3:1 hisobida ishonchli tarzda mag‘lub etdi.
Bungacha «Arsenal» musobaqa davomida «Atletik»ni 2:0, «Olimpiakos»ni 2:0, «Atletiko»ni 4:0 va «Slaviya»ni 3:0 hisobida yenggandi.
Ayni damda «Arsenal» 15 ochko bilan Chempionlar ligasi turnir jadvalining mutlaq peshqadami bo‘lib turibdi. Jamoa yaqin ta’qibchilari — «PSJ», «Bavariya», «Inter» va «Real»ni uch ochkoga ortda qoldirgan.
Keyingi turda «Arsenal» 10 dekabr kuni «Bryugge»ga qarshi maydonga tushadi. Amaldagi Chempionlar ligasi g‘olibi esa «PSJ» hisoblanadi.
Nasrullo Karimov
Jurnalist
