Arsenal himoyachisi Londondagi boshqa jamoaga o'tishga yaqin

"Arsenal" futbolchisi Aleksandr Zinchenko klubini o'zgartirishi mumkin. Bu haqida The Athletic xabar berdi.

Manbaga ko'ra, londonliklar ukrainalik himoyachini sotib yubormoqchi. "West Ham" esa Zinchenkoni o'z safiga qo'shib olmoqchi.

Futbolchining ko'p jarohat olishi sababli “Bolg'achilar” uni chuqurlashtirilgan tibbiy ko'rikdan o'tgandan keyingina o'z safiga qo'shib oladi.

Avvalroq, Zinchenkoga "Milan" qiziqish bildirayotgani haqida xabarlar tarqalgan edi.

Zinchenko o'tgan mavsum barcha musobaqalarda 23 ta o'yinda maydonga tushib, 1 ta gol va 1 ta assistni o'z hisobiga yozdirib qo'ygan.

Roziqjon Sultonmurodov

Jurnalist