«Arsenal» hamon APLda chempionlik uchun asosiy da’vogar (Opta)
Angliya Premyer-ligasida dastlabki besh tur yakunlariga ko‘ra, Opta superkompyuteri 2026/27-yilgi mavsumda chempionlikni qo‘lga kiritish ehtimoli bo‘yicha hisob-kitoblarni yangiladi.
Opta hisob-kitobiga ko‘ra, amaldagi chempion «Arsenal»ning chempionlikni himoya qilish imkoniyati 43,52 foiz deb baholanmoqda. Dastlabki baholashda ushbu ko‘rsatkich 38 foizni tashkil etgan edi.
Ikkinchi ko‘rsatkich «Manchester City»ga tegishli bo‘lib, Manchester klubining chempionlik ehtimoli qariyb 41 foizga teng. «Liverpool» uchun mazkur ko‘rsatkich 4,4 foiz deb qayd etilgan.
«Chelsea»ning chempionlik ehtimoli 1 foiz, «Manchester United»niki esa 0,9 foiz atrofida baholangan.
Shu bilan birga, superkompyuter hisob-kitobi turnirdagi amaldagi holatdan farq qilishi mumkin. Besh turdan keyin APL jadvalida «Manchester City» peshqadam bo‘lib, «Arsenal»dan 3 ochko oldinda bormoqda.
