«Arsenal» Edegorni sotishi mumkin — Sami Mokbel
Londonning "Arsenal" klubi yozgi transfer oynasi vaqtida 27 yoshli yarim himoyachi Martin Edegorni sotishi mumkin. Bu haqda BBC jurnalisti Sami Mokbel X ijtimoiy tarmog‘ida xabar berdi.
"Hozirda 'Arsenal' Edegorni maqbul narx evaziga qo‘yib yuborishi mumkinligi haqida mish-mishlar yuribdi", — dedi jurnalist Latte Firm podkastida.
Edegorning ingliz klubi bilan amaldagi shartnomasi 2028 yilning iyun oyi oxirigacha mo‘ljallangan.
O‘tgan mavsumda "Arsenal" sardori 36 ta o‘yin o‘tkazib, bitta gol urdi va sakkizta golli uzatma muallifi bo‘ldi. Transfermarkt sayti ma'lumotlariga ko‘ra, futbolchining hozirgi bozor qiymati 65 mln yevroni tashkil etadi.
Edegor "kanonirlar" safiga 2021 yilda kelib qo‘shilgan. Shu vaqt ichida u 234 ta uchrashuv o‘tkazib, 42 ta gol urdi va 46 ta golli uzatmani amalga oshirdi.
