«Arsenal» 18 yoshli futbolchi bilan shartnoma imzolamoqchi
Mbemba Parij klubini tark etishga yaqin.
ФОТО: Getty images
Londonning "Arsenal" klubi PSJ yoshlar jamoasining 18 yoshli chap qanot himoyachisi Emmanuel Mbembani tekin qoʻshib olmoqchi.
Le Parisien nashrining xabariga koʻra, futbolchiga birinchi professional shartnoma taklif qilinganiga qaramay, u Parij klubini tark etishga yaqin.
Manbaga koʻra, Mbembaning PSJ bilan 2024 yilda tuzilgan yoshlar shartnomasi shu yozda tugaydi, "Arsenal" esa futbolchiga oʻz taklifini bildirgan. Xabar qilinishicha, Angliya chempionlari yakunlangan mavsumda uni bir necha bor kuzatgan.
Shunga qaramay, yosh fransiyalikning Angliya Premer-ligasida oʻynashi uchun terma jamoadagi oʻyinlari soni yetarli emas, bu esa, agar transfer amalga oshsa, "kanonirlar"ni uni boshqa ligaga ijaraga berishga majbur qilishi mumkin.
Roziqjon Sultonmurodov
Jurnalist