Arne Slot iste'foga chiqarilgan taqdirda «Liverpul»ni kim boshqarishi maʼlum boʻldi
Avval «Tottenhem» va «Nottingem Forest» jamoalarini boshqargan Angelos Postekoglu agar klub rahbariyati Arne Slotni ishdan bo‘shatishga qaror qilsa «Liverpul»ni murabbiylik qilishi mumkin. Bu haqda TEAMtalk xabar berdi.
Manbaning ma’lum qilishicha, niderlandiyalik mutaxassis hanuz klub rahbarlari tomonidan qo‘llab-quvvatlanmoqda. Shuningdek, «Liverpul» egalari Postekogluni jamoaning bosh murabbiyi lavozimi uchun munosib nomzod deb hisoblashadi.
Eslatib oʻtamiz, Arne Slot 2024 yilning yozida «Liverpul»ni boshqara boshlagan. Uning rahbarligi ostida «qizillar» 2024/2025 yilgi mavsum yakunida Angliya Premer-ligasida g‘alaba qozongan.
Joriy mavsum esa «Liverpul» barcha musobaqalarni hisobga olganda 9 ta mag‘lubiyatga uchradi, jumladan so‘nggi o‘yinda Chempionlar ligasida «PSV»ga 1:4 hisobida imkoniyatni boy berdi.
