Arbeloa «Real»dan ketishini e’lon qildi
Madridning “Real” klubi bosh murabbiyi Alvaro Arbeloa La Liganing 38-turi doirasidagi “Atletik”ga qarshi o‘yindan so‘ng o‘z lavozimini tark etishini ma’lum qildi.
Arbeloa yanvar oyining o‘rtalarida Xabi Alonsoning o‘rnini egallagan edi.
“Ha, men ketayapman. Meni kimdir majbur qilgani uchun emas, balki o‘zim ishonadigan ishlarni qildim. Kelganimda jamoa qanday holatda ekanini va nimaga duch kelishimni bilardim. Agar hammasini boshidan boshlasam, balki boshqa bo‘lardi. Lekin menga shunday taqdir nasib etdi va qo‘limdan kelgan eng yaxshi ishni qilishga harakat qildim. O‘zim xohlagandek emas, balki imkon boricha eng yaxshi yo‘l bilan. Biz ko‘p narsani yaxshi uddaladik va erishgan natijalarimizdan mamnunman.
Umid qilaman, yana ko‘rishamiz. Men har doim “Madrid”ni o‘z uyim deb bilganman. Bu yerda 20 yil davomida bo‘ldim — ha, bu mening uyim”, — dedi Arbeloa.
