APLni tark etgan ikkinchi jamoa nomi ma'lum
Skott Parker jamoasi 19-o‘rinda joylashgan.
ФОТО: Getty images
“Byornli” klubi Angliya Premer-ligasini tark etdi. Jamoa APLning 34-turida o‘z maydonida “Manchester Siti”ga (0:1) qarshi bahsda mag‘lub bo‘ldi.
Natijada, jamoa ligada qolish imkoniyatidan butunlay mahrum bo‘ldi. Uchrashuv taqdirini 5-daqiqada Erling Holand tomonidan kiritilgan gol hal qildi.
Ma’lumot uchun, Skott Parker jamoasi 19-o‘rinda joylashgan va mavsum yakuniga to‘rt tur qolganida, 17-o‘rinda borayotgan “Vest Hem”dan 13 ochkoga ortda qolmoqda.
Ayni damda 18-o‘rinni “Tottenhem” egallab turibdi. Ularning quyi ligaga tushib ketishi APL tarixidagi eng shov-shuvli sensatsiyalardan biri bo‘lishi mumkin.
Roziqjon Sultonmurodov
Jurnalist