APL. «Tottenxem» - «MYu» uchrashuvida jangovar durang qayd etildi
APLning 11-turidan o‘rin olgan "Tottenxem" va "Manchester Yunayted" jamoalari o‘rtasidagi bahs o‘z nihoyasiga yetdi. Markaziy bahsda 2:2 hisobida durang qayd etildi.
Dastlab mehmonlar futbolchisi Mbeumo 32-daqiqada hisobni ochdi. O‘yin asosiy vaqti yakunlanishiga 5 daqiqa qolganida esa "shporlar" a’zosi Tel gol urib, hisobni tenglashtirdi. 90+1-daqiqada uzoqdan berilgan zarba Risharlisonning boshiga tegib, darvoza to‘ridan joy oldi.
Biroq 90+6-daqiqada De Ligt burchakdan uzatilgan to‘pni golga aylantirib, jamoasini mag‘lubiyatdan qutqarib qoldi.
Bu natijadan so‘ng “shporlar”ning hisobidagi ochkolar 18 taga yetdi va 3-o‘rinda bormoqda. “MYu” esa 18 ochko bilan 7-pog‘onaga ko‘tarildi.
APL. 11-tur
Tottenxem – MYu 2:2
Gollar: Tel 84, Risharlison 90+1 – Mbeumo 32, De Ligt 90+6
