APL. «Tottenhem» oʻz maydonida «Nottingem Forest»ga yirik hisobda magʻlub boʻldi
Angliya Premyer-ligasining 31-turi doirasida «Tottenhem» hamda «Nottingem Forest» jamoalari o‘rtasidagi uchrashuv yakunlandi. Ushbu bahsda mehmonlar 3:0 hisobidagi yirik g‘alabani qo‘lga kiritishdi.
Uchrashuvning 45-daqiqasida Igor Jezus hisobni ochib, mehmonlarni oldinga olib chiqdi. 62-daqiqada Morgan Gibbs-Uayt jamoasining ustunligini mustahkamlagan bo‘lsa, 87-daqiqada Tayvo Avoniyi yakuniy hisobni o‘rnatdi.
Ushbu natijadan so‘ng «Tottenhem» 30 ochko bilan Angliya chempionati turnir jadvalining 17-pog‘onasida qolmoqda. «Nottingem Forest» esa ochkolari sonini 32 taga yetkazib, 16-o‘ringa ko‘tarilib oldi.
Navbatdagi turda «shporlar» 12 aprel kuni safarda «Sanderlend» mehmoni bo‘lishadi. «O‘rmonchilar» esa shu kuni o‘z maydonlarida «Aston Villa»ni qabul qiladilar.
