APL. «Nottingem Forest» Gibbs-Uaytning xet-triki evaziga «Byornli»ni magʻlub etdi
Angliya Premyer-ligasining 33-turi doirasida «Nottingem Forest» va «Byornli» jamoalari o‘rtasidagi uchrashuv yakunlandi. Nottingemdagi «Siti Graund» stadionida bo‘lib o‘tgan bahsda «o‘rmonchilar» 4:1 hisobida ishonchli g‘alabani qo‘lga kiritishdi.
Uchrashuvning 45+2-daqiqasida Zian Flemming mehmonlarni hisobda oldinga olib chiqdi. Biroq ikkinchi bo‘limda Morgan Gibbs-Uayt haqiqiy shou ko‘rsatdi: u 62-daqiqada muvozanatni tiklagan bo‘lsa, 69 va 77-daqiqalarda raqib darvozasini yana ikki bor ishg‘ol qilib, xet-trik qayd etdi. O‘yinga qo‘shib berilgan 90+8-daqiqada esa Igor Jezus mezbonlarning to‘rtinchi goliga mualliflik qildi.
Ushbu g‘alabadan so‘ng «Nottingem Forest» 36 ochko bilan turnir jadvalida 16-o‘rinni egallab turibdi. «Byornli» esa 20 ochko bilan 19-pog‘onadan joy olgan.
Navbatdagi turda, 24 aprel kuni «Nottingem Forest» safarda «Sanderlend» bilan kuch sinashsa, «Byornli» 22 aprel kuni o‘z maydonida «Manchester Siti»ni qabul qiladi.
