APL. «MYU» safarda «Vulverhempton»ni yirik hisobda mag‘lub etdi
Angliya Premer-ligasi 15-turining so‘nggi bahsida Ruben Amorim boshchiligidagi "Manchester Yunayted" safarda "Vulverhempton" bilan kuch sinashib, 4:1 hisobida g‘alabaga erishdi.
Uchrashuvning 25-daqiqasida Bruno Fernandesh manchesterliklarni hisobda oldinga olib chiqdi. Birinchi bo‘lim yakunlanayotganda esa Jan-Rikner Belgard oradagi farqni yo‘qqa chiqardi.
Ikkinchi bo‘lim boshida Brayen Mbeumo "qizil iblislar"ni yana hisobda oldinga olib chiqdi. Oradan 10 daqiqa o‘tib, Brunoning super uzatmasini Mount golga aylantirib, hisobni 3:1 ko‘rinishiga keltirdi. 82-daqiqaga kelib Fernandesh 11 metrlik jarima zarbasidan unumli foydalandi va o‘yinga nuqta qo‘ydi.
Bu g‘alaba orqali “qizil iblislar” ochkolar sonini 25 taga yetkazib olib, 6-o‘ringa ko‘tarildi.
APL. 15-tur
Vulverhempton — Manchester Yunayted 1:4
Gollar: Belgard 45+2 – Fernandesh 25, 82 pen, Mbeumo 51, Mount 63
