APL. «Manchester Yunayted» o‘z maydonida «Tottenhem»ni ishonchli tarzda mag‘lub etdi
Angliya Premyer-ligasining 25-turi doirasida «Manchester Yunayted» va «Tottenhem» jamoalari o‘rtasidagi uchrashuv yakunlandi. Manchesterdagi «Old Trafford» stadionida kechgan bahsda mezbonlar 2:0 hisobida g‘alaba qozonishdi.
Uchrashuvning 29-daqiqasida «Tottenhem» himoyachisi Kristian Romero mankunianliklar yarimhimoyachisi Kazemiroga nisbatan qo‘pol o‘ynagani uchun to‘g‘ridan-to‘g‘ri qizil kartochka olib, maydonni tark etdi. Son jihatdan ustunlikka ega bo‘lgan «Manchester Yunayted» 38-daqiqada hisobni ochdi — hujumchi Brayan Mbemo raqib darvozasini ishg‘ol qildi. O‘yinning 81-daqiqasida esa Brunu Fernandesh jamoasining ikkinchi golini urib, yakuniy hisobni o‘rnatdi.
«Manchester Yunayted» o‘z ochkolari sonini 44 taga yetkazib, APL turnir jadvalida to‘rtinchi o‘ringa ko‘tarilib oldi. «Tottenhem» esa 29 ochko bilan jadvalning 14-pog‘onasida qolmoqda.
APL. 25-tur
«MYU» — «Tottenhem» 2:0
Gollar: Mbemo (38), Fernandesh (81).
