APL. «Liverpul» «Tottenhem»dan 90-daqiqada gol o'tkazib, g'alabani qo'ldan boy berdi
Angliya Premer-ligasining 2025/2026 yilgi mavsumi 30-turidan o‘rin olgan “Liverpul” va “Tottenhem Xotspur” jamoalari o‘rtasidagi o‘yin nihoyasiga yetdi. Hakamning final hushtagi yangraganida hisob 1:1 ko‘rinishini oldi. Uchrashuv Liverpuldagi afsonaviy “Enfild” stadionida bo‘lib o‘tdi. Bahsni bosh hakam sifatida Kris Kavana boshqarib bordi.
O‘yinning 18-daqiqasida Dominik Soboslay hisobni ochib, mersisaydliklarni oldinga olib chiqdi. Risharlison esa 90-daqiqada javob to‘pini kiritishga muvaffaq bo‘ldi.
Ushbu o‘yindan so‘ng “Liverpul” 49 ochko bilan Angliya yuqori divizioni turnir jadvalida beshinchi o‘rinda bormoqda. “Tottenhem Xotspur” esa 30 ochko bilan 16-pog‘onani egallab turibdi.
APL. 30-tur
Liverpul — Tottenhem 1:1
Gollar: Soboslay (18) — Risharlison (90).
