APL jamoalari «Barselona»ga Akeni sotib olishiga toʻsqinlik qilishi mumkin
«Barselona» «Manchester Siti»ning markaziy himoyachisi Natan Akeni ijaraga olmoqchi, bu qaror Andreas Kristensenning og‘ir jarohati bilan bog‘liq. Bu haqda Caught Offside xabar berdi.
Manba ma’lumotlariga ko‘ra, «Bornmut», «Kristal Pelas», «Fulhem» va «Vest Hem» klublari «shaharliklar»ga niderlandiyalik futbolchini to‘liq transfer qilish taklifini bera olgani sababli, kataloniyaliklarning ushbu bitimini amalga oshirishiga to‘sqinlik qilishi mumkin.
«Shaharliklar» 30 yoshli himoyachini 30-35 mln yevro evaziga qo‘yib yuborishga tayyor. Shu bilan birga, moliyaviy cheklovlar tufayli «Barselona» uchun Akeni sotib olish qiyin bo‘lishi ta’kidlanmoqda.
Ake «shaharliklar» safida 2020 yil yozidan beri o‘ynaydi. Joriy mavsumda u barcha turnirlarda 13 ta o‘yinda maydonga tushib, samarali harakatlarga erishmagan. Futbolchining klub bilan amaldagi shartnomasi 2027 yil yozigacha mo‘ljallangan. Transfermarkt portalidagi ma’lumotlarga ko‘ra, uning bozor qiymati 18 mln yevroni tashkil etadi.
