APL. «Arsenal» safarda «Brayton»ni magʻlub etdi
Londonliklar «Man Siti» bilan oradagi farqni 7 ochkoga yetkazishdi.
FOTO: Getty Images
Angliya Premyer-ligasining 29-turidan o‘rin olgan «Brayton» va «Arsenal» jamoalari o‘rtasidagi bahs boʻlib oʻtdi. «Amerikan Ekspress» stadionida o‘tgan uchrashuvda londonliklar 1:0 hisobida g‘alaba qozonishdi.
O‘yinning 9-daqiqasida «to‘pchilar» vingeri Bukayo Saka himoyachi Yurriyen Timberning uzatmasidan so‘ng hisobni ochdi va ushbu gol uchrashuvda yagonaligini saqlab qoldi.
Ushbu g‘alabadan so‘ng «Arsenal» 30 o‘yindan keyin 67 ochko bilan APL turnir jadvalida peshqadamlikni davom ettirmoqda. Ikkinchi o‘rindagi «Manchester Siti» bilan farq 7 ochkoni tashkil etmoqda. «Brayton» esa 37 ochko bilan 13-o‘rinda bormoqda.
APL. 29-tur
«Brayton» — «Arsenal» 0:1
Gol: Saka (9).
Nasrullo Karimov
Jurnalist