APL. «Arsenal» oʻz maydonida «Chelsi»ni magʻlub etdi
Angliya Premyer-ligasining 28-turi doirasida Londonning ikki klubi — «Arsenal» va «Chelsi» o‘rtasidagi bahs yakunlandi. «Emireyts» stadionida kechgan uchrashuvda «to‘pchilar» 2:1 hisobida g‘alaba qozonishdi.
Uchrashuvning 21-daqiqasida Uilyam Saliba hisobni ochib, mezbonlarni oldinga olib chiqdi. Birinchi bo‘limga qo‘shib berilgan vaqtda (45+2-daqiqa) Pyero Inkapye o‘z darvozasini ishg‘ol qilib qo‘ydi (avtogol) va muvozanat tiklandi. 66-daqiqada esa Yurriyen Timber «Arsenal»ning ikkinchi golini urib, jamoasiga g‘alaba keltirdi. Mehmonlar a’zosi Pedro Netu 70-daqiqada ikkinchi sariq kartochka sababli maydondan chetlatildi.
Ushbu g‘alabadan so‘ng «Arsenal» 64 ochko bilan Angliya chempionati turnir jadvalida peshqadamlikni davom ettirmoqda. «Chelsi» esa 45 ochko bilan oltinchi pog‘onada bormoqda.
APL. 28-tur
«Arsenal» — «Chelsi» 2:1
Gollar: Saliba (21), Inkapye (45+2), Timber (66).
Chetlatish: Netu (70).
