APL. «Arsenal» London derbisida g‘alaba qozondi
Arteta jamoasi peshqadamga aylandi.
ФОТО: Getty images
Angliya chempionatida 7-tur bahslari davom etmoqda.
"Arsenal" o‘z maydonida "West Ham"ni qabul qilib, 2:0 hisobida g‘alaba qozondi.
Dastlab 38-daqiqada Declan Rice hisobni ochdi. 67-daqiqada Bukayo Saka penaltini aniq amalga oshirdi.
Ushbu g‘alaba orqali 16 ochkoga ega bo‘lgan "to‘pchilar" turnir jadvalida vaqtincha peshqadam bo‘lib oldi. 19-o‘rindagi "West Ham" hisobida esa 4 ochko mavjud.
Arsenal — West Ham 2:0
Gollar: Rice 38, Saka 67 (pen).
Roziqjon Sultonmurodov
Jurnalist
