APL. «Arsenal» «Everton»ni ishonchli hisobda magʻlub etdi
Angliya Premyer-ligasining 30-turidan o‘rin olgan «Arsenal» va «Everton» jamoalari o‘rtasidagi uchrashuv yakuniga yetdi. «Emireyts» stadionida bo‘lib o‘tgan bahsda mezbonlar 2:0 hisobida g‘alabani qo‘lga kiritishdi.
O‘yinning asosiy qismida hisob ochilmadi, biroq «kanonirlar» so‘nggi daqiqalarda raqib darvozasini ishg‘ol qilishga muvaffaq bo‘lishdi. 89-daqiqada Viktor Gyokeresh hisobni ochgan bo‘lsa, uchrashuvga qo‘shib berilgan 90+7-daqiqada Maks Doumen o‘yinning yakuniy hisobini o‘rnatdi.
Ushbu g‘alabadan so‘ng, 70 ochko jamg‘argan «Arsenal» Angliya chempionati turnir jadvalida yetakchilik qilmoqda. «Everton» esa 43 ochko bilan sakkizinchi o‘rinda qolmoqda.
Navbatdagi bahslarda «Arsenal» 22 mart kuni Liga kubogi finali doirasida «Manchester Siti»ga qarshi maydonga tushsa, «Everton» 21 mart kuni o‘z uyida «Chelsi» jamoasini qabul qiladi.
APL. 30-tur
«Arsenal» — «Everton» 2:0
Gollar: Gyokeresh (89), Doumen (90+7).
