Antonio Konte «Napoli»ni tark etishi mumkin
56 yoshli mutaxassis 2024 yilning yozida neapolliklar boshqaruviga kelgandi.
FOTO: Getty Images
«Napoli» bosh murabbiyi Antonio Konte jamoani tark etishi mumkin. Bu haqda jurnalist Matteo Moretto xabar bermoqda.
Manbaga koʻra, keyingi hafta Konte va klub prezidenti Aurelio De Laurentis oʻrtasida uchrashuv boʻlib oʻtadi. Aynan shu suhbat chogʻida mutaxassisning kelgusi faoliyati borasida yakuniy qaror qabul qilinadi.
Eslatib oʻtamiz, 56 yoshli mutaxassis 2024 yildan buyon «Napoli»ni boshqarib kelmoqda. Uning qoʻl ostida jamoa oʻtgan mavsumda Italiya chempioni boʻldi.
Maʼlumot uchun, neapolliklar hozirda A Seriya turnir jadvalida 22 ochko bilan 4-o‘rinda bormoqda va peshqadamdan atigi 2 ochko ortda qolmoqda.
Nasrullo Karimov
Jurnalist