Angliyaning Manchester Siti klubi Barselona futbolchisi uchun transfer bo‘yicha dunyo rekordini yangilashga tayyor.

«Manchester Siti” jamoasi «Barselona”ning hujumchisi Lamin Yamalni o‘z safiga qo‘shib olishni istamoqda. Ispaniya nashrlari ma'lumotiga ko‘ra, «Siti” 17 yoshli futbolchi uchun 275 million yevro taklif qilishga tayyor. Agar bu transfer amalga oshsa, Yamal tarixdagi eng qimmat futbolchiga aylanadi.

Yamalning sotilishi moliyaviy qiyinchilikka duch kelayotgan «Barselona” uchun jiddiy yordam bo‘lishi mumkin. Biroq kataloniyaliklar o‘z yosh yulduzini osonlikcha qo‘yib yuboradi, deb o‘ylash qiyin. Qayd etish joizki, Yamal joriy mavsumda 43 ta o‘yinda maydonga tushib, 14 ta gol va 21 ta golli pas muallifi bo‘ldi. Hujumchining «Barselona” bilan tuzgan shartnomasi 2027 yil yozigacha amal qiladi.

Bakradze Iman

Redaktor