Angliyada Xusanovning “Manchester City”dagi ilk oʻyinlaridagi ishonchsiz oʻyini sabablari aytildi
Angliya ommaviy axborot vositalari Oʻzbekiston terma jamoasi himoyachisi Abduqodir Xusanovning “Manchester City” safidagi dastlabki oʻyinlaridagi ishonchsiz harakatlariga izoh berishdi.
Daily Mail nashrining yozishicha, Xusanov Angliyaga oʻtishidan avval Fransiya chempionatida qishki tanaffus sababli bir oygacha mashgʻulot oʻtkazmagan. Keyin esa “Manchester City”ga transferi tayyorlanayotgani munosabati bilan u sobiq jamoasi “Lens” bilan ham mashgʻulotlarda qatnashmagan. Natijada, “Chelsea”ga qarshi debyut oʻyinidan oldin u faqat bir marta jamoa bilan umumiy mashgʻulot oʻtkazishga ulgurgan.
“Manchester City”ga oʻtgandan soʻng Xusanov klub darajasida 9 ta oʻyin oʻtkazib, bir gol urdi. Jamoa bosh murabbiyi Pep Guardiola uning kelajagi haqida fikr bildirdi.
