Angliya Liga Kubogi. «Man Siti» finalda «Arsenal»ni ishonchli hisobda magʻlub etib, bosh sovrinni qoʻlga kiritdi
Londondagi muhtasham «Uembli» stadionida Angliya Liga Kubogining hal qiluvchi final uchrashuvi yakunlandi. Unda Londonning «Arsenal» hamda «Manchester Siti» jamoalari bosh sovrin uchun bahs olib borishdi. Mazkur o‘yinda «shaharliklar» 2:0 hisobida ishonchli g‘alabani qo‘lga kiritib, kubok egasiga aylanishdi.
O‘yinning 60-daqiqasida «Manchester Siti» tarbiyalanuvchisi, 21 yoshli Niko O'Rayli hisobni ochib, jamoasini oldinga olib chiqdi. Oradan atigi to‘rt daqiqa o‘tib, 64-daqiqada yosh iqtidor sohibi dublni rasmiylashtirdi va o‘yin taqdirini hal qildi.
Oʻzbekiston milliy terma jamoasi himoyachisi Abduqodir Husanov uchrashuvni asosiy tarkibda boshlab, toʻliq maydonda harakat qildi.
Ma’lumot o‘rnida ta’kidlash joizki, joriy mavsumda «kanonirlar» va «shaharliklar» Angliya Premyer-ligasining 5-turi doirasida o‘zaro bahs olib borib, 1:1 hisobidagi durang natijani qayd etishgan edi.
Eslatib o‘tamiz, o‘tgan yili Angliya liga kubogi g‘olibligi «Nyukasl»ga nasib etgan edi. O‘shanda «qarg‘alar» finalda «Liverpul» ustidan 2:1 hisobida zafar quchishgan.
