Angliya JCh-2026da eng ko‘p masofa bosib o‘tgan terma jamoa bo‘ldi
Angliya terma jamoasi 2026-yilgi Jahon chempionati davomida chorak final ishtirokchilari orasida eng ko‘p masofa bosib o‘tdi.
Hisob-kitoblarga ko‘ra, Tomas Tuxel jamoasi turnir boshidan chorak finalgacha taxminan 17 541 kilometr parvoz qilgan. Bu Fransiya terma jamoasi bosib o‘tgan masofadan qariyb olti baravar ko‘p.
Angliya futbolchilari Kanzas-Sitidagi bazadan Dallas, Boston, Nyu-York, Atlanta, Mexiko va Mayamiga safar qilgan hamda aksariyat uchrashuvlardan so‘ng yana bazaga qaytgan.
Chorak finalchilar orasidagi ko‘rsatkichlar:
Angliya — 17 541 km
Marokash — 13 642 km
Ispaniya — 12 594 km
Norvegiya — 11 035 km
Shveysariya — 9 796 km
Argentina — 9 250 km
Belgiya — 5 156 km
Fransiya — 3 091 km
Fransiya esa chorak final ishtirokchilari orasida eng kam masofa bosib o‘tgan jamoa bo‘ldi.