Angliya JCh-2026 saralashini gol oʻtkazmay yakunladi
Angliya milliy jamoasi 2026 yilgi Jahon chempionati saralashining oxirgi, 10-turida Albaniyani 2:0 hisobida mag‘lub etdi va saralash bosqichini gol o‘tkazmay, tarixiy natija bilan yakunladi.
Tomas Tuxel yetakchiligidagi jamoa o‘tgan oʻyinlarda jami 22 ta gol urdi.
Angliya jamoasi saralash bosqichida quyidagi natijalarni qayd etdi:
• Albaniya — 2:0, 2:0
• Latviya — 3:0, 5:0
• Andorra — 1:0, 2:0
• Serbiya — 5:0, 2:0
Shu tariqa Angliya 24 ochko to‘plab, «K» guruhida birinchi o‘rinni egalladi.
Eslatib oʻtamiz, 2026 yilgi Jahon chempionatida 48 milliy jamoa ishtirok etadi, ular 12 guruhga bo‘linadi, har birida 4 ta terma jamoa bo‘ladi.
Turnirning pley-off bosqichiga har bir guruhdan birinchi va ikkinchi o‘rinni egallagan jamoalar, shuningdek, guruhda uchinchi o‘rinni egallagan eng yaxshi 8 jamoa chiqadi. Bundan tashqari, 2026 yilgi Jahon chempionatida yangi bosqich — 1/16 final ham boʻlib oʻtadi.
