Andrea Pirlo faoliyatini BAAda davom ettiradi
Photo: Getty Images
46 yoshli italiyalik mutaxassis Andrea Pirlo Birlashgan Arab Amirliklarining “Dubai United” klubi bosh murabbiyi sifatida rasman tayinlandi. Bu haqda klub matbuot xizmati rasmiy sayt orqali ma'lum qildi.
“2006 yilgi jahon chempioni, o‘z davrining eng mashhur yarim himoyachilaridan biri bo‘lgan Andrea Pirlo jamoamiz bosh murabbiyi sifatida ish boshlaganini mamnuniyat bilan e’lon qilamiz. Ushbu tayinlov “Dubai United” tarixida yangi sahifani ochadi va BAA futbolining xalqaro maydondagi ambitsiyalarini aks ettiradi”, — deyiladi klubning rasmiy bayonotida.
Pirloning so‘nggi faoliyat joyi esa Italiya A Seriyasining “Sampdoria” klubi bo‘lgan.
Roziqjon Sultonmurodov
Jurnalist