Andijonda ayollar sport olimpiadasining viloyat bosqichi bo‘lib o‘tdi
Andijon viloyatida xotin-qizlar o‘rtasida o‘tkazilayotgan sport olimpiadasining viloyat bosqichi yuqori saviyada tashkil etildi. Tadbirning tantanali ochilish marosimida Andijon viloyati hokimi o‘rinbosari, viloyat xotin-qizlar boshqarmasi boshlig‘i Nigora Yusufjonovna so‘zga chiqib, barcha ishtirokchilarga omad va muvaffaqiyat tiladi.
Mazkur sport tadbirida viloyat sport boshqarmasi rahbari, hamkor tashkilotlar mutasaddilari, shuningdek, keng jamoatchilik vakillari ishtirok etdi.
Musobaqalar dasturi doirasida ishtirokchilar sportning to‘rtta turi bo‘yicha o‘zaro bellashdilar. Jumladan, stol tennisi, shaxmat, shashka hamda yengil atletikaning 60, 100 va 200 metr masofalarga yugurish yo‘nalishlari bo‘yicha qizg‘in bahslar tashkil etildi.
Musobaqa yakunida g‘olib va sovrindorlar diplom hamda esdalik sovg‘alari bilan taqdirlandi.
