Andijon Poʻlatxoʻja Xoldorxonov bilan shartnoma imzoladi
Tarkibni kuchaytirish ishlari davom etayotgan mahalda Andijon safiga yana bir yangi futbolchi qoʻshildi: Poʻlatxoʻja Xoldorxonov endi “Andijon” futbolchisi. U bilan shartnoma imzolandi va yangi mavsumda “Burgutlar” uchun oʻynaydi.
"Poʻlatxoʻja Xoldorxonov 2003-yilning 6-iyul sanasida tavallud topgan. Oʻtgan yili birinchi davrada “Navbahor”, ikkinchi davrada “Shoʻrtan” safida toʻp surdi. Hujumchi namanganliklar safida (Superliga va Kubok) 9 ta oʻyinda 1 ta gol urgan boʻlsa, “Shoʻrtan”da (Superliga va Kubok) 16 ta bellashuvda 7 ta gol muallifiga aylandi.
Shuningdek, Xoldorxonov “Paxtakor” va “Olimpik”da ham faoliyat olib borgan.
Biz Xoldorxonovga “Andijon”dagi faoliyati muvaffaqiyatli chiqishini tilab qolamiz.
Poʻlatxoʻja “Andijon”ning ahil oilasiga xush kelibsan!",-deb yoziladi klub rasmiy sahifasida.
