Andijon navbatdagi oʻrtoqlik uchrashuvini Ukrainaning “Zarya” klubiga qarshi oʻtkazadi
Antaliyada yigʻin oʻtkzayotgan “Andijon” klubi navbatdagi oʻrtoqlik uchrashuvini Ukrainaning “Zarya” klubiga qarshi oʻtkazadi.
Ukraina premyer ligasida ishtirok etayotgan Luganskning ushbu jamoasi 1923-yilning 5-may kuni tashkil etilgan. “Zarya” premyer ligada ayni paytda birinchi davradan keyin 16 uchrashuvdan soʻng 6 gʻalaba, 5 durang va 5 magʻlubiyat qayd etdi. Toʻplar nisbati 19-18 ni tashkil etmoqda. 23 ochko bilan musobaqa jadvalida 8-oʻrinda turibdi.
“Zarya” Antaliya yigʻini doirasidagi birinchi uchrashuvini “Rapid II” jamoasiga qarshi oʻtkazib 5:1 hisobida gʻalaba qozondi.
“Zarya”ni 56 yoshli mahalliy mutaxassislardan biri Viktor Skripnik boshqarmoqda. U ushbu jamoada bosh murabbiy lavozimida 2025-yilning 16-iyun sanasidan ishlab kelmoqda.
Klubning eng qimmat futbolchisi braziliyalik 26 yoshli himoyachi Jordan boʻlib, uning “Transfermarkt”dagi narxi 1 million yevroni tashkil qilmoqda.
“Andijon”ning “Zarya”ga qarshi oʻyini bugun Toshkent vaqti bilan 19:00 da boshlanadi.
