«Andijon» Bahraynga yetib bordi
Bugun Maksim Shatskix shogirdlari kechki mahal ilk mashg‘ulotini o‘tkazadi.
Фото: Андижон ПФК
Xabar berilganidek, "Andijon" jamoasi OCHL 2 doirasida Bahraynning "Al-Xaldiya" jamoasiga qarshi o‘yin uchun bugun kechasi Toshkent xalqaro aeroportidan Toshkent-Sharja-Manama yo‘nalishida havo kemasi orqali yo‘lga chiqdi va manzilga sog‘-salomat yetib keldi.
Jamoamiz a'zolari Bahrayn aeroportida "Al-Xaldiya" klubi rasmiylari tomonidan iliq kutib olindi. Shuningdek, bir guruh muxlislar ham futbolchilarni qo‘llab-quvvatlash uchun birga Manamaga yetib kelishgan.
"Andijon" jamoasi Manama shahrida o‘zi uchun ajratilgan "Crowne Plaza" mehmonxonasiga joylashdi. Ayni paytda bu yerda havo harorati 27 daraja iliq.
Bugun Maksim Shatskix shogirdlari kechki mahal ilk mashg‘ulotini o‘tkazadi.
Roziqjon Sultonmurodov
Jurnalist