«Andijon» 5-yanvardan yangi mavsumga tayyorgarligini boshlaydi
Jamoa Antaliyaga 7-yanvarda joʻnab ketadi.
Фото: Андижон ПФК
OCHL 2 dagi soʻnggi rasmiy oʻyindan keyin qishki taʼtilga chiqqan jamoamizning yangi mavsumga tayyorgarlik rejalari maʼlum.
Unga koʻra, "Burgutlar" 5-yanvar sanasidan Toshkentda toʻplanadilar. Dastlab futbolchilar tibbiy koʻrikdan oʻtadilar. Yangi mavsum uchun qishki oʻquv-mashgʻulot yigʻini Turkiyaning Antaliya shahrida olib boriladi.
Jamoa Antaliyaga 7-yanvarda joʻnab ketadi. Aytish lozimki, Turkiyadagi yigʻin ham ikki bosqichda oʻtkaziladi va 18-fevral kuni yakuniga yetadi.
Ushbu tayyorgarlik jarayoni doirasida xorij jamoalariga qarshi 10 ta nazorat uchrashuvlari oʻtkazilishi rejalashtirilgan.
«Raqiblar haqida keyinroq maʼlumot taqdim etamiz», - deyiladi xabarda.
