Anchelotti Neymar nega Yaponiyaga qarshi o'yinda maydonga tushmaganini tushuntirdi
Braziliya terma jamoasi bosh murabbiyi Karlo Anchelotti JCh-2026 1/16 finalida Yaponiyaga qarshi o‘yinda Neymar nega maydonga tushirilmaganini izohladi.
Mutaxassisning aytishicha, Neymarni qo‘shimcha vaqtga tayyorlab qo‘ygan. Shuningdek, Braziliya hisobni tenglashtira olmasa, u 60-daqiqada maydonga tushirilishi rejalashtirilgan.
“Men Neymarning qo‘shimcha vaqtda maydonga tushishini tayyorlagandim. U bilan gaplashdim va agar hisobni tenglashtira olmasak, 60-daqiqada maydonga tushishini aytdim. Biz hisobni tenglashtirdik va men o‘yin sxemasini o‘zgartirishni istamadim. Jamoa o‘yinni nazorat qildi”, — dedi Anchelotti.
Eslatib o‘tamiz, Braziliya ushbu bahsda Yaponiyani 2:1 hisobida mag‘lub etdi. Yaponiya birinchi bo‘lib hisobni ochgan, keyin Kazemiro muvozanatni tiklagan, asosiy vaqt oxirida esa Gabriel Martinelli g‘alaba golini urgan.
Shu tariqa, Braziliya JCh-2026 1/8 finaliga yo‘l oldi. Jamoa keyingi bosqichda Kot-d’Ivuar — Norvegiya uchrashuvi g‘olibi bilan to‘qnash keladi.
