Anchelotti Chempionlar ligasi favoritlari haqida gapirdi

Braziliya milliy jamoasi bosh murabbiyi Karlo Anchelotti joriy mavsum Chempionlar ligasi favoritlari haqida fikr bildirdi.

«Bu turnirda har doimgidek favoritlar bor: «Real», «PSJ», «Man Siti» va «Bavariya». Dastlabki turlarda juda koʻp gollar kiritilgan oʻyinlar va kutilmagan natijalar koʻrdik — bu esa baʼzan turnirga boʻlgan qiziqishni pasaytiradi.

Guruh bosqichi kengaytirildi, maqsad — musobaqani yanada qiziqarli qilish. Buni qabul qilish kerak», — dedi Anchelotti.

Maʼlumot uchun, Chempionlar ligasi umumiy bosqichining 3-turidan soʻng «PSJ» 9 ochko bilan peshqadamlik qilmoqda. «Bavariya» ikkinchi (9 ochko), «Real» beshinchi (9 ochko), «Man Siti» esa yettinchi oʻrinda (7 ochko) bormoqda.

Nasrullo Karimov

Jurnalist