Amorim: Men doim ijtimoiy tarmoqlardagi akkauntlarizni o'chirib tashlang deb futbolchilarga aytaman
Manchester Yunayted bosh murabbiyi Ruben Amorim navbatdagi tur o'yini oldidan fikr bildirdi.
«Brayan Mbeumo ko‘p gapiradiganlardan emas, lekin doim yordam berishga tayyor. U maydonda juda ko‘p ishlaydi, tinimsiz pressing qiladi va o‘tgan mavsumdagidan butunlay boshqa xavf tug‘diradi. Brayandan juda mamnunman.
Premer ligadan o‘yinchi sotib olish qimmatga tushadi, lekin o‘tgan yilga qarasak, bu ancha xavfsizroq yo‘l. Eng muhimi – jamoada eng yaxshi futbolchilar bo‘lishi kerak».
Amad haqida: «Men doim futbolchilarga aytaman: ijtimoiy tarmoqlardagi akkauntlaringizni o‘chirib tashlang.
Hozir Amad oilaviy yo‘qotish tufayli og‘ir ahvolda va biz uni qo‘llab-quvvatlaymiz. Bunday paytda keyingi o‘yinning ahamiyati yo‘q. Biz Amadsiz ham g‘alaba qozonishimiz mumkin – va biz aynan uning uchun g‘alaba qozonamiz.
Asosiy narsa – o‘yinni “Chelsi” va “Burnley”ga qarshi oʻyinlardagi kabi kayfiyatda boshlash. Har bir uchrashuvga faqat g‘alaba maqsadi bilan maksimal darajada diqqatni jamlab chiqish kerak».
