Alonso tasdiqladi: Garnacho yozda «Chelsi»ni tark etadi
"Chelsi" bosh murabbiyi Xabi Alonso yarim himoyachi Alejandro Garnacho joriy yozgi transfer oynasida klubni tark etishini tasdiqladi. Ispaniyalik mutaxassis bu haqida matbuot anjumanida ma'lum qildi.
"Ha... Unga boshqa klublardan qiziqish bor. Umid qilamanki, barchasi hamma uchun eng yaxshi tarzda yakunlanadi", — dedi Alonso. Uning so'zlarini The Touchline nashri keltirmoqda.
Avvalroq OAV "Chelsi" 22 yoshli futbolchini sotishga tayyor ekani haqida xabar tarqatgan edi. Transfer qiymati taxminan 50 million yevroga baholanmoqda.
Garnacho 2025 yilning avgustida "Manchester Yunayted"dan 40 million yevro evaziga "Chelsi" safiga qo'shilgan. Uning londonliklar bilan amaldagi shartnomasi 2032 yilning yoziga qadar mo'ljallangan.
2025/2026 yilgi mavsumda Alejandro Garnacho barcha musobaqalarda 39 ta uchrashuvda ishtirok etib, 8 ta gol urdi va 4 ta golli uzatmani amalga oshirdi. Transfermarkt ma'lumotlariga ko'ra, futbolchining bozor qiymati hozirda 28 million yevroga teng.
