Alonso: «Ilk mavsumdayoq «Bernabeu»da maydonga tushib, xet-trik qayd etish — kamdan-kam uchraydigan holat»
Madridning «Real» klubi bosh murabbiyi Xabi Alonso jamoa hujumchisi Gonsalo Garsiya haqida fikr bildirdi. Futbolchi La Liganing 18-turi doirasida «Betis»ga qarshi o‘yinda (5:1) xet-trik qayd etgan edi.
«Bu Gonsalo uchun orzudagi o‘yin bo‘ldi. Asosiy jamoasidagi ilk mavsumidayoq «Bernabeu»da maydonga tushib, xet-trik qilish — kamdan-kam uchraydigan holat. Men u uchun juda xursandman, u o‘ynaydimi yoki yo‘qmi, har kuni qilayotgan mehnatidan qat’i nazar. U akademiyamiz tarbiyalanuvchilari uchun a’lo namuna. Uni bunday o‘yin bilan tabriklayman va shu ruhda davom etishga chaqiraman.
Zamonaviy futbol to‘psiz o‘yinda jamoaviy harakatni talab qiladi. Hujumchilarning pressingni qanday boshlashi juda muhim — bu yuqori pressing bo‘ladimi yoki boshqa o‘zaro harakatlar. Gonsalo buni juda yaxshi tushunadi. U tezkor futbolchi, agar bunga uning gollarga moyilligi va himoyaviy ishini qo‘shsak, u har doim jamoa natijalarini yaxshilashga hissa qo‘shadi», — deya Alonso so‘zlarini keltiradi beIN Sports.
Joriy mavsumda Gonsalo Garsiya «Real» safida 18 ta uchrashuvda (418 daqiqa) maydonga tushib, 3 ta gol urdi va 1 ta golli uzatma amalga oshirdi.
